طريقة تجميد الخضار والفواكه

طريقة حفظ جميع الخضروات و الفواكة فى الديب فريز

اولا الطماطم :
أنا بجيب الطماطم مستوية وبعدين اضربها فى الخلاط واصفيها بصفايه .. وبعدين احط لكل كيلو طماطم تلات ملاعق .زبدة زبرو فات  واسيبها لحد ماتنشف مايتها خالص وبعدين احطها فى اكياس وكل كيس على قد الاكلة..
..
2- الثوم:حاولي تشتري الثوم وقت ما يكون رخيص
بجيب الثوم واقشره واحطه فى الخلاط واحط معاه لكل كيلو ثوم اتنين ملعقة كبيرة زيت زيت ونص ملعقة ملح... واضربهم لحد مايبقى ناعم... واحط معظم الكمية فى برطمان زجاجى (والزيت عشان لون الثوم مايتغيرش وكمان يحتفظ بنكهته.. اما الملح عشان مايتجمد فى الفريزر واعرف اخد منه بالمعلقة بطريقة سهلة).... اما باقى الكمية باحط معاهم فى الخلاط فلفل اخضر وكزبرة خضرة وكمون كتير وبضربهم مرة تانية لحد ما المكونات تنعم وبحطهم فى برطمان تانى عشان تتبيل السمك وطواجن الجمبرى والكاليمارى.. وتتبيلة البادنجان المخلل وحاجات كتير.......ويقعد  من السنة للسنة اللى بعدها....

..


ثالثا البسلة:بجيب البسلة واخرج حبوب البسلة من قشرتها واحطها فى كيس مع جزر مقطع مكعبات صغيرة ... وبس
..
رابعا الفاصوليا:بقطع طرفى الفاصوليا  حطيها بماء مغلي لمده 5 دقاثق ثم صفيها وعلى طول ضعيها بماء ممزوج بمكعبات الثلج واصفى الفاصوليا مرة اخرى واعبيها فى اكياس على حسب الأكلة..


خامسا الخضرة:بالنسبة للبقدونس والكزبرة والشبت غسلهم  وانقعهم  فى ماء مضاف له معلقة خل وبعدين افرمهم بمخرطة الملوخية صفيهم لمدة ساعتين على قطعة قماش وبعدين حطي في أكياس كمية قليلة حسب الحاجة ..وباستخدمه لخلطة المحشى والممبار والفول بالتقلية وساعات لما بيكون عندى عزومة بافرشهم تحت الاكل فى الطبق وارشهم على الطبق ...

..

سادسا البطاطس المقلية:قشري البطاطس واغسليها قطعيها صوابع متوسطة وطويلة.. وانقعيها فى ماء ساخن وملح وخل وملعقة سكر..(لكل كيلو بطاطس 1لتر ماء ساخن و3ملعقة ملح صغيرة وربع كوب خل وملعقة سكر) واتركها فى الماء منقوعة لحدمايبرد يكون دافئ واحمرها وبالفرن بعد ماتكوني دهنتيها بملعقتين زيت زيتون وبعدما تاخد اللون الاصفر الفاتح.. واقلبها لحد لونها ما يبقى دهبى فاتح وأنشلها على ورق ماص للزيت واسيبها لحد ماتبرد وبعدين احطها فى علبة بلاستيك فى الفريزر... واخرجها فى اى وقت  بالفرن شديد الحرارة مسبقار(عشان درجة برودة البطاطس  تقلل درجة حرارة الزيت فلازم يكون الزيت سخن اوى اوى)
..


سابعا ورق العنب:باقوم برص ورق العنب واحدة عكس واحدة... يعنى امسك الورقة من العنقود واحطها فى اتجاه معين والورقة اللى بعدها اخلى العنقود فى الجهة الاخرى .......واشيلهم فى اكياس فى الفريزر ولما باطلع الكيس باسلق ورق العنب وهو متجمد.. ..

ثامنا الباميه:

قمع البامية وأغليها لمدة تلات دقائق فى مية مغلية على النارواطلعها من المية المغلية على مياة فيها مثلجة(فيها تلج)وصفيها كويس من المية وشيلها فى اكياس وقت الاستخدام وهى متجمدة عشان لونها يبقى حلو مش غامق..

خامسا الموز: 

 عن نفسي اسوي لكل كيلو موز ربع كوب لبن و2 ملعق سكر واضربه فى الخلاطح يكون عندك جرانيتا موز تحفة ... باخد منها بالمعلقة واعمل عصير موز باللبن او بحطها على فروت سلاط بدل الأيس كريم وبحطها كمان على الكيكة وهية لسه طالعة من الفرن (ساخن مع بارد)
سادسا الجوافة:باقطعها شرايح واحط عليها سكر واشيلها فى الفريرز فى اكياس حسب الحاجة...


سابعا البلح الرطب (الاسمر):باشيله فى برطمان بعد ما أشيل النوى وأقسمه نصفين.. باحطه بالطول جنب بعض وده بيسهل انى اخد منه من غير مايتقطم .. وعلى فكرة مش بيتجمد أبدا" ...

ثامنا الرمان:بافصص الرمان واخرج الحب واحط عليه سكر واشيلة فى اكياس ...  بيتجمد .. وباستخدمه فى الفروت سلاط وسلاطة الرمان وتارت الفواكه وكزينة لكثير من الحلويات والايس كريم.. وكمان بعمله عصير  مممممممممممم مرة لذوذواصفيه ..
..

تاسعا العنب: اشترى العنب اللى حباته كبيرة سواء كان أحمر أو أخضر.. وشيله فى اكيس بعد ما تغسليه طبعا خدي كمية منه واتركيه يومين على صينية كبيرة مفروشة بورق ابيض وعلى الورق فوطة قماش .. وبعدين قدر وحطي فيه ماء مغلى وزيت لوز (لكل لتر ماء ملعقة زيت لوز صغيرة) ونضعي فيها العنب بعد ان أصبح ذابلا" لمدة ثلاث دقائق وبعدين صفى العنب وبعدين حطيه مرة تانية على نفس الصينية واتركيها فى مكان مشمس مرة عاد شمسنا ماشاء الله عليهالمدة5ايام وكل يوم قلبي.. ح يصير عندك زبيب بيتى .. انا باعملة لو كان العنب اللى عندى بقى ذابل او كان مش حلو مرة...


عاشرا" الليمون والبرتقال البلدى:الاتنين باعملهم بنفس الطريقة... الاول ابشر قشر الليمون اوالبرتقال بمشرة صغيرة .. لا تبشري الجزء الابيض... وباحتفظ بهم فى علب تلاجة صغيرة اوى او برطمانات صغيرة لانى باعمل كميه كبيرة جدا..وبعدين باقسم الليمون والبرتقال اللى بشرت قشرتهم نصفين واعصرهم كويس واحطهم فى علب مكعبات التلج ... وباعملهم مكعبات ليمون وبرتقال.. وكل مكعب على قد كوب العصير لو قلبناه كويس مع ماء وسكر... او كميه مكعبات فى الخلاط مع مياة وسكر.......وكمان مكعبات الليمون بتبل بيها الدجاج  والبفتيك مع باقى المكونات طبعا.. وباعمل منها كل حاجة
ووووبس سلامتكم